🌿 गणपती विसर्जनानंतर जनुना तलावाची स्वच्छता मोहीम आज सकाळी गणपती विसर्जनानंतर जनुना तलाव, खामगाव येथे स्वच्छता अभियान राबविण्यात आले. तलाव परिसरात साचलेले निर्माल्य व प्लास्टिक कचरा वेगळा करून तलावाची स्वच्छता करण्यात आली. या स्वच्छता अभियानात खामगाव शहरातील २५ ते ३० स्वयंसेवकांनी उत्स्फूर्तपणे श्रमदान केले. स्वयंसेवकांनी तलावातील निर्माल्य, प्लास्टिक व इतर कचरा गोळा करून त्याचे योग्य प्रकारे वर्गीकरण केले. गणपती विसर्जनानंतर जलस्रोतांचे प्रदूषण होऊ नये आणि स्वच्छ, सुंदर व प्रदूषणमुक्त जलस्रोत निर्माण व्हावेत, या उद्देशाने राबविण्यात आलेल्या या उपक्रमातून पर्यावरण संरक्षणाचा सुंदर संदेश देण्यात आला.